តើអ្នកចាប់អារម្មណ៍ដាក់ពាក្យសុំប្រាក់កម្ចីខ្នាតតូចដែរឬទេ?
សូមសាកល្បងប្រើកម្មវិធី Spean Luy ដើម្បីទទួលបានភាពងាយស្រួលនិងរហ័សក្នុងការខ្ចីប្រាក់ពី 50 រហូតដល់ 1000 ដុល្លារ!
អ្នកអាចទាញយកកម្មវិធីនៅទីនេះ
សម្រាប់ពត៌មានបន្ថែមសូមទំនាក់ទំនងតាមរយៈហ្វេសប៊ុកឬតាមលេខទូរសព្ទរបស់យើងខ្ញុំ។
Smart 0969009292
Cellcard 077712053
Metfone 0882169742
លក្ខណៈខុសគ្នារវាងគណនីសន្សំមានកាលកំណត់និងគណនីសន្សំសំចៃ
ការបើកគណនីសន្សំនៅធនាគារមានទម្រង់បែបបទផ្សេងគ្នាទៅតាមប្រភេទគណនី។ តើអ្នកដឹងទេថា មានអ្វីខុសគ្នាខ្លះរវាងគណនីសន្សំមានកាលកំណត់និងគណនីសន្សំសំចៃ?ខាងក្រោមនេះស្ពាននឹងលើកយក៣ចំនុចមកបង្ហាញជូនពីលក្ខណៈខុសគ្នារវាងគណនីទាំងពីរនេះយោងតាមការប្រៀបធៀបលើគេហទំព័ររបស់ស្ពាន៖
១.ចំនួនទឹកប្រាក់ក្នុងគណនី និងរយៈពេលដាក់បញ្ញើ
ការបើកគណនីសន្សំនៅធនាគារគឺតម្រូវអោយអ្នកដាក់ប្រាក់ក្នុងចំនួនកំណត់ណាមួយទៅក្នុងគណនីហើយការដាក់ប្រាក់នេះទៀតសោធ វាអាស្រ័យទៅតាមគោលនយោបាយរបស់ធនាគារនីមួយៗ។ ចំពោះ គណនីសន្សំមានកាលកំណត់តម្រូវអោយអ្នកដាក់ប្រាក់យ៉ាងតិចចាប់ពី១០០,០០០ រៀល ឬ ២៥USD ក្នុងគណនីសន្សំដំបូង ។ បន្ទាប់ពីកំណត់នូវទឹកប្រាក់ដែលអ្នកចង់ដាក់ហើយ អ្នកត្រូវជ្រើសរើស រយៈពេលដែលអ្នកចង់ដាក់ផ្ញើរមានដូចជា៣ខែ ៦ខែ ៩ខែ ១ឆ្នាំជាដើម ឬលើសពី១ឆ្នាំ ក៏បានអាស្រ័យ លើការសម្រេចរបស់អ្នកផ្ញើរស្របតាមគោលនយោបាយរបស់ធនាគារផងដែរ។លុះត្រាណាតែដល់កាល កំណត់ទើបអ្នកអាចដាក់ប្រាក់បន្ថែមឬដកប្រាក់ពីគណនីបាន បើអ្នកដកប្រាក់មុនកាលកំណត់ អ្នកនឹង ទទួលការផាកពិន័យពីធនាគារ។
ប៉ុន្ដែចំពោះគណនីសន្សំសំចៃវិញអ្នកអាចដាក់ប្រាក់សន្សំក្នុងគណនីធនាគារដំបូងយ៉ាងតិចចាប់ពី៤០០០៛ ឬ ១USD បន្ទាប់ពីបើកគណនីរូចមកអ្នកអាចដាក់ប្រាក់បន្ថែម ឬធ្វើការដក ប្រាក់បានគ្រប់ពេលដែលអ្នក ត្រូវការ មិនមានកាលកំណត់ឡើយគ្រាន់តែធនាគារធ្វើការកំណត់លើចំនួន ទឹកប្រាក់ដែលអ្នកអាចដក បានក្នុងមួយដងៗនិងក្នុងមួយថ្ងៃអ្នកអាចដកបានត្រឹមកម្រិតទឹកប្រាក់ប៉ុន្មានអាស្រ័យលើការអនុម័តរបស់ធនាគារ។
២.អត្រាការប្រាក់
នៅពេលអ្នកធ្វើការដាក់់ប្រាក់បញ្ញើនៅធនាគារអ្នកនឹងទទួលបានការប្រាក់។ចំពោះគណនីសន្សំមាន កាលកំណត់ការប្រាក់នឹងត្រូវបានទូទាត់អោយអ្នកទៅតាមកាលកំណត់ដែលអ្នកបានជ្រើសរើសសម្រាប់ប្រាក់បញ្ញើរបស់អ្នក ហើយយ៉ាងហោចណាស់អ្នកទទួលបានអត្រាការប្រាក់ទាបបំផុត២.៧៥%ក្នុងមួយ ឆ្នាំដែរ។នៅពេលអ្នកជ្រើសយកការផ្ញើរប្រាក់កាន់តែយូរអ្នកនឹងទទួលបានអត្រាការប្រាក់កាន់តែច្រើន។
រីឯគណនីសន្សំសំចៃវិញអ្នកនឹងទទួលបានតិចបំផុត០.៥០%ក្នុងមួយឆ្នាំហើយការទូទាត់ការប្រាក់ ត្រូវបានគិតជូនក្នុងរយៈពេលមួយឆ្នាំម្ដង។ចំណែកធនាគារខ្លះស្ទើតែមិនផ្ដល់ជូនអត្រាការប្រាក់ ផងសម្រាប់គណនីសន្សំសំចៃនេះ។
៣.អត្ថប្រយោជន៍ ការបើកគណនីបញ្ញើសន្សំទាំងពីរប្រភេទនេះនៅធនាគារធ្វើអោយប្រាក់របស់អ្នកត្រូវបានថែរក្សាយ៉ាងមានសុវត្ថិភាពដូចគ្នា ។
ប៉ុន្តែលក្ខណៈដែលខុសគ្នានោះគឺនៅពេលអ្នកបើកគណនីសន្សំមានកាលកំណត់អ្នកអាចយកវាមកធ្វើជាទ្រព្យបញ្ចាំដើម្បីស្នើកម្ចីនៅពេលអ្នកត្រូវការប្រាក់យកទៅប្រើប្រាស់បន្ទាន់បាន។
ស្ពានសង្ឃឹមថាអត្ថបទនេះនឹងជួយអោយអ្នកបានយល់កាន់តែច្បាស់រវាងគណនីសន្សំមានកាលកំណត់ និងគណនីសន្សំសំចៃ ហើយប្រសិនបើអ្នកមានគម្រោងចង់ដាក់ប្រាក់បញ្ញើសន្សំនៅធនាគារណាដែលមាន អត្រាការប្រាក់ខ្ពស់អ្នកអាចស្វែងរកបានយ៉ាងងាយដោយគ្រាន់តែចូលទៅកាន់គេហទំព័ររបស់ស្ពាន www.spean-kh.com ដើម្បីទទួលបានពីពត៌មានទាក់ទងនឹងអត្រាការប្រាក់។
លក្ខណៈខុសគ្នារវាងគណនីសន្សំមានកាលកំណត់និងគណនីសន្សំសំចៃ
